LOREA WU-SHU ELKARTEA
Txinako borroka arte tradizionaletan oinarritutako borroka-kirola da WU-SHU. Txinan 1949. urtean sortu zuten kirol hau arte tradizionalak araupetzeko asmotan, handik nazioartera hedatuz. Beasainen Txema Ruiz Jimenez dugu arduradun. Elkarteak Lorea Gimnasilekuan du egoitza. Beasainen punta-puntako kirolariak ditugu kirol honetan.
Beasaingo Kirolaren Udal Fundazioak kontuan hartu du WU-SHU LOREA Elkartearen ibilbidea eta Beasainen kirol hau sustatzeko eta garatzeko lankidetza-hitzarmena adostu dute. Elkartea herriko Wu-Shu plangintzaz arduratuko da beasaindarrek aukeran izango dituzten jarduera guztiak jasoz, direnak direla hauen ezaugarriak, lehiaketa edo sustapena.
